قصيدة الجيعان لعبد المنعم قدور
--------------------------------------------------------------------------------
بينما كان العم المرحوم عبد المنعم قدور يسير فى طريقه الى منزله وهو يتضور جوعا
يعنى مهوى شديد اذ به بحسناء تسير بقربه فشبهها بالاكل على حسب جوعته فقال
جسمك يشبه الضلع الضبايحو سمان
ووشك عيش مدور خبزو فى امدرمان
صدرك جوز حمام على الفقير حرمان
وشوفتك من بعيد بتكيف الخرمان
شعرك شاى تقيل من منظره اتكيفت
والسكر كلامك اريتنى منو غرفت
اصابعك فى الوصف قدر ما وصفت
ما لقيت حاجة بتشبهن يا حلوة غير الكفتة
حواجبك و عيونك و الله كمونية
و خدودك تقول الباسطة فى الصينية
و الزول ياكلن يا حلوة من غير نية
كفلك فى خداره بيشبه البتيخة
و البتيخة كان ختوها جنبه مسيخة
انتى وليمة فايتة حرام عليك يا شيخة
آه انا الجيعان و راقد نيخة